ದಾಸನೆಂತಾಗುವೆನು

ದಾಸನೆಂತಾಗುವೆನು ಧರೆಯೊಳಗೆ ನಾನು
ವಾಸುದೇವನಲ್ಲಿ ಲೇಶಭಕುತಿ ಕಾಣೆ
ಗೂಟನಾಮವ ಹೋಡೆದು
ಗುಂಡು ತಂಬಿಕೆ ಹಿಡಿದು
ಗೋಟಂಚು ಧೋತರ ಮಡಿಯನ್ನುಟ್ಟು
ದಾಟುಗಾಲಟ್ಟು ನಾ ಬರಲೆನ್ನ
ಬೂಟಕತನ ನೋಡಿ ಭ್ರಮಿಸಿದಿರಿ ಜನರೇ
ಅರ್ಥದಲ್ಲೆ ಮನಸು ಆಸ್ಕತವಾಗಿದ್ದು
ವ್ಯರ್ಥವಾಯಿತು ಜನ್ಮ ವಸುಧೆಯೊಳಗೆ
ಅರ್ತಿಯಿಂದಲಿ ಹರಿಯ ಚರ್ಚಿಸದಿಲ್ಲ ನಾ
ಸತ್ಯ ಸೌಚಗಳಿರಿಯೆ ಸಜ್ಜನರು ಕೇಳಿ
ಇಂದಿರೇಶನ ಪೂಜೆ ಎಂದು ಮಾಡಿದ್ದಿಲ್ಲ
ಸಂಧ್ಯಾ ಜಪತಪಗಳರಿಯೆ
ಒಂದು ಸಾಧನ ಕಾಣೆ ಪುರಂಧರವಿಠಲನ
ದ್ವಂದ್ವಪಾದಗಳ ನಂಬಿ ಅರಿತು ಭಜಿಸದೆಲೆ
***